لاہور(خبریں ڈیجیٹل) پاکستان کی نجی فضائی ایئر لائن ساتھ ایئر نے اسلام آباد’ملتان’فضائی روٹ کاافتتاح کردیا’ابتدائی طورپر ہفتہ وار16پروازیں ہوں گی۔ایئر لائن نے پہلے ہی روز کراچی، بہاولپور، تربت، کوئٹہ اور اسلام آباد کے درمیان مجموعی طور پر آٹھ پروازیں آپریٹ کیں، جبکہ اس کے ساتھ ہی بہاولپور کا تقریبا تین برس بعد ملک کے دیگر شہروں سے فضائی رابطہ بھی بحال ہو گیا۔ساتھ ایئر کو پاکستان سول ایوی ایشن اتھارٹی کی جانب سے کمرشل پروازوں کی اجازت ملنے کے بعد کمپنی نے باقاعدہ ٹکٹوں کی فروخت شروع کی تھی، جبکہ 16 جولائی کو اس کی پہلی پروازوں نے مختلف شہروں کے درمیان سفر کا آغاز کیا۔ کمپنی کے مطابق ابتدائی مرحلے میں دو اے ٹی آر طیاروں کے ذریعے آپریشن کیا جا رہا ہے، جنہیں مختصر فاصلے کے روٹس کے لیے کامیاب جہاز تصور کیا جاتا ہے۔
