سرگودھا(این این آئی)تیز دھار آلہ سے مسلح بیوی نے شوہر کو قتل اور تین بیٹیوں کے گلے کاٹ کر انہیں شدید زخمی کر دیا جن کو ہسپتال منتقل کر دیا اور پولیس مقتول کی نعش پوسٹمارٹم کے لئے تحویل میں لیکر ملزمہ کو گرفتار کر کے مصروف تفتیش ہے۔زرائع کے مطابق قصبہ جڑانوالہ کے علاقہ شہروانہ پل کے قریب تیز دھار آلہ سے مسلح بیوی نے شوہر خالد اور 3 بیٹیوں 11 سالہ عنیقہ بی بی،8 سالہ عنایہ،4 سالہ عائزہ کو چھری سے گلے کاٹ کر شدید زخمی کر دیا۔ جن کو ہسپتال منتقل کر دیا گیا کہ شدید زخمی شوہر خالد زخموں کی تاب نہ لاتے ہوئے دم توڑ گیا جبکہ تینوں بچیوں11 سالہ عنیقہ 8 سالہ عنایہ اور 4 سالہ عائزہ کو فوری طبی امداد دے کر بچا لیا گیا۔پولیس تھانہ سٹی جڑانوالہ نے مقتول کی نعش پوسٹمارٹم کے لئے تحویل میں لیکر ملزمہ کو گرفتار کر لیا اور مقدمہ قتل و اقدام قتل میں مصروف تفتیش ہے۔
