PTI کے27ستمبر کے لانگ مارچ کو حکومت نے خودکامیاب کر دیا، اعتزاز احسن

لاہور (کورٹ رپورٹر) لاہور ہائیکورٹ ، سینئر قانون دان اعتزاز احسن نے میڈیا سے گفتگو کرتے ہوئے کہا کہ پی ٹی آئی کے 27 ستمبر کے لانگ مارچ کو حکومت نے خود کامیاب بنا دیا، لانگ مارچ کا مقصد ہی اسلام آباد کو بند کرنا تھا، اسلام آباد میں کیلوں والے کنٹینر لگائے گئے ہیں، اتنی بڑی تعداد میں اسلام آباد میں لگائے میں نے اتنے زندگی میں نہیں دیکھے، چار دن سے اسلام آباد کے شہریوں کی زندگی اجیرن کر رکھی ہے، لانگ مارچ تو حکومت نے کامیاب بنا دیا ہے، نظر بندیاں بالکل ناجائز کی جا رہی ہیں، نو مئی کے جھوٹے کیسز میں لوگوں کو سزائیں دی گئیں، شاہ محمود قریشی، اعجاز چوہدری، میاں محمودالرشید کو سزائیں دینے والوں کو بھی پوچھنا چاہئے،38 صوبوں میں وسائل کس بنیاد پر تقسیم کئے جائیں گے، واٹر معاہدہ چار صوبوں میں پانی کی تقسیم کا ہے، پانی کی تقسیم آبادی، ترقی سمیت دیگر کے تناسب سے چاروں صوبوں میں کی گئی، این ایف سی ایوارڈ چار صوبوں کیلئے بنایا گیا،38 صوبوں میں این ایف سی ایوارڈ کیسے تقسیم ہوگا یہ تباہی کا راستہ ہے۔