کامونکےزہریلی شراب پینے سے 3 دوست جاں بحق

کامونکے (نامہ نگار)زہریلی شراب پینے سے 3 دوست جاں بحق ہوگئے۔بتایا گیا ہے کہ گذشتہ روز شریف پورہ کے پینتالیس سالہ شفیق،پینتیس سالہ سفیان اور چالیس سالہ وسیم نے شراب پی جس کے بعد تینوں کی حالت غیر ہوگئی اور اُنہیں تشویشناک حالت کے پیش نظر ڈسٹرکٹ ہیڈ کوارٹر اسپتال گوجرانوالہ منتقل کردیا گیا جہاں موت وحیات کی کشمکش میں رہنے کے بعد تینوں دوست جاں بحق  ہوگئے۔یاد رہے کہ شفیق کی موت کے بعد اُسکی بہن رفعیہ کی جانب سے تھانہ صدر میں دائر کی گئی درخواست میں مئوقف اختیار کیا ہے کہ اُ سکے بھائی کو دوستوں سفیان اور وسیم نے کھانسی کی دوائی کے بہانے زہریلی چیز پلاکر موت کے گھاٹ اُتار دیاہے۔پولیس کے مطابق سفیان کی ہلاکت کے بعد انکشاف ہوا کہ تینوں دوستوں نے شراب کو مزید نشیلی بنانے کیلئے نشہ آور کیپسول ملا کر پی تھی۔