سربراہ جوائنٹ فورسز اور رکن قیادت کونسل کا یمنی فوج کی تیاریوں مضبوط بنانے پر گفتگو

ریاض (این این آئی) سعودی جوائنٹ فورسز کے قائد لیفٹیننٹ جنرل فہد السلمان نے ریاض میں مشترکہ افواج کے ہیڈ کوارٹر میں یمنی صدارتی
قیادت کونسل کے رکن اور قومی مزاحمت کے قائد فرسٹ لیفٹیننٹ جنرل طارق صالح سے ملاقات کی۔ ملاقات کے دوران یمن کی صورتحال میں ہونے والی پیشرفت کا جائزہ لیا گیا اور ریاست اور اس کے قومی اداروں کی بحالی کے لیے تمام محوروں اور محاذوں پر یمنی مسلح افواج کی تیاریوں کی حمایت کی خاطر مشترکہ کوششوں کو مضبوط بنانے اور ان میں ہم آہنگی پیدا کرنے کے طریقوں پر تبادلہ خیال کیا گیا۔