ٹرمپ کا جاپانی وزیراعظم سے ٹیلیفونک رابطہ’اقتصادی و سکیورٹی امور پر تبادلہ خیال ، قریبی تعاون جاری رکھنے پر اتفاق

ٹوکیو (آئی این پی )امریکی صدر ٹرمپ نے جاپانی وزیراعظم سے ٹیلیفون پر گفتگوکی جس میں اقتصادی اور سکیورٹی امور پر تبادلہ خیال کیا گیا۔ جاپانی
وزارتِ خارجہ کے بیان مطابق دونوں رہنمائوں کے درمیان گفتگو تقریباً 20منٹ جاری رہی، صدر ٹرمپ نے جاپانی وزیراعظم کو چینی صدر سے ملاقات کی تفصیلات سے بھی آگاہ کیا،ٹیلی فونک گفتگوکے دوران ٹرمپ نے جاپان کے ساتھ قریبی تعاون جاری رکھنے پر اتفاق کیا۔ صدر ٹرمپ نے وزیراعظم تاکائیچی کو چینی صدر سے ملاقات کی تفصیلات سے آگاہ کیا،دونوں رہنماوں نے چین سے متعلق اقتصادی اور سکیورٹی امور پر تبادلہ خیال کیا اور قریبی تعاون جاری رکھنے پر اتفاق کیا۔