پٹرول2.27 ڈیزل3.56 روپے مزید سستا

واشنگٹن ‘ملتان (این این آئی’ مانیٹرنگ ڈیسک) پٹرولیم ڈویژن کی جانب سے جاری اعلامیے کے  مطابق پٹرول کی قیمت میں 2روپے 27پیسے فی لٹرکمی کردی گئی ہے جس کے بعد پٹرول کی نئی قیمت 389 روپے 03 پیسے فی لٹر ہوگئی۔ ڈیزل کی قیمت میں 3 روپے 56 پیسے فی لٹر کمی کردی گئی جس کے بعد ڈیزل کی نئی قیمت 404 روپے 97پیسے فی لٹرہوگئی ہے۔ پٹرولیم ڈویژن کے مطابق پٹرول اور ڈیزل کی نئی قیمتیں 29ستمبرکیلئے ہوں گی۔ ادھر امریکی صدر ڈونلڈ ٹرمپ کی جانب سے تنازع کے حل اور آبنائے ہرمز دوبارہ کھولنے سے متعلق ایران کی تجویز مسترد کیے جانے کے بعد تیل کی قیمتوں میں معمولی اضافہ ہوگیا۔غیر ملکی میڈیا کے مطابق پیر کو عالمی منڈی میں برینٹ خام تیل کی قیمت 1.82 ڈالر یا 1.74 فیصد اضافے کے بعد 106.14 ڈالر فی بیرل ہوگئی۔امریکی ویسٹ ٹیکساس انٹرمیڈیٹ خام تیل کی قیمت 1.14 ڈالر یا 1.23 فیصد اضافے کے بعد 93.55 ڈالر فی بیرل رہی۔
پٹرولیم قیمتیں