غزہ، عمارت کے ملبے سے ملی 100فلسطینی شہدا کی لاشوں کی اجتماعی تدفین

غزہ (این این آئی)غزہ میں 100 لاشوں کی اجتماعی تدفین کردی گئی۔ اکتوبر 2023 میں اسرائیلی حملے میں تباہ ہونے والی عمارت کے ملبے سے ملنے والی 100 فلسطینی شہدا کی لاشوں کواجتماعی طور پر دفنایاگیا۔فلسطینی سول ڈیفنس کے مطابق گزشتہ سال نومبر سے اب تک اسرائیلی حملوں میں تباہ شدہ عمارتوں کے ملبے سے 630 سے زائد لاشیں نکالی جا چکی ہیں۔فلسطینی سول ڈیفنس کا کہنا تھا کہ ایک اندازے کے مطابق 8 ہزار سے زائد فلسطینیوں کی لاشیں اب بھی ملبے تلے دبی ہوئی ہیں۔