الزامات کا فیصلہ پراپیگنڈے سے نہیں، شواہد اور قانون کے مطابق ہونا چاہیے:پاکستان علماء کونسل

لاہور (این این آئی) پاکستان علماء کونسل کے مرکزی ترجمان مولانا محمد اشفاق پتافی نے کہا ہے کہ
گزشتہ چند ہفتوں سے پاکستان اور بیرونِ پاکستان چیئرمین پاکستان علما کونسل حافظ محمد طاہر محمود اشرفی، ان کے بھائی محمد حسن معاویہ اور ان کے خاندان کے خلاف چلائی جانے والی بے بنیاد مہم اور عائد کیے جانے والے الزامات کے حوالے سے پاکستان علماء کونسل خود غیر جانبدار تحقیقات کا مطالبہ کر چکی ہے، کونسل کا واضح موقف ہے کہ ہر مجاز فورم پر شفاف اور غیر جانبدار تحقیقات کا خیرمقدم کیا جائے گا اور ہر الزام کا جواب قانونی فورم پر دیا جائے گا اور اسی لیے قانونی راستہ اختیار کیا گیا ہے۔ انہوں نے واضح کیا کہ محمد حسن معاویہ، ختمِ نبوت وکلاء فورم اور توہین ناموسِ رسالت سے متعلق مقدمات سے حافظ محمد طاہر محمود اشرفی کا براہِ راست کوئی تعلق نہیں تاہم وہ ان مقدمات کو درست سمجھتے ہیں۔