گوجر خان ( نمائندہ خبریں محمد یاور منیر ملہوترہ) شہر کی مصروف ترین شاہراہ حیاتِ سر روڈ، بالمقابل عامر نہاری پر منڈلاتا ہوا حادثات کا خطرہ بالآخر ٹل گیا۔ روزنامہ ‘خبریں’ کے نمائندے محمد یاور منیر ملہوترہ کی نشاندہی اور ‘جہاں ظلم، وہاں خبریں’ کے پلیٹ فارم سے اٹھائی جانے والی عوامی آواز پر آئیسکو گوجر خان انتظامیہ نے فوری اور مؤثر کارروائی کرتے ہوئے مسئلہ حل کر دیا ہے۔ خبر کی اشاعت اور بھرپور کوریج کے فوراً بعد ایس ڈی او واپڈا گوجر خان نے معاملے کا فوری نوٹس لیا اور عملے کو موقع پر بھیج کر سڑک کنارے بغیر حفاظتی تدابیر کے پڑے خطرناک موبائل ٹرانسفارمر کو بلا تاخیر وہاں سے ہٹوا دیا۔ آئیسکو ٹیم نے جائے وقوعہ پر نیا مستقل ٹرانسفارمر نصب کر کے علاقے کی بجلی بحال کر دی ہے، جس سے شہریوں کی زندگیوں کو درپیش سنگین خطرہ ہمیشہ کے لیے ختم ہو گیا ہے، عوام کی آواز کو اعلیٰ ایوانوں تک پہنچانے پر گوجر خان کے شہریوں اور تاجروں نے روزنامہ ‘خبریں’ اور نمائندہ محمد یاور منیر ملہوترہ کا تہہ دل سے شکریہ ادا کیا۔ شہریوں نے بروقت ایکشن لینے اور عوامی جان و مال کے تحفظ کو یقینی بنانے پر ایس ڈی او واپڈا گوجر خان اور آئیسکو کی متعلقہ ٹیم کی کارکردگی کو بھی سراہا اور اسے صحافت و انتظامیہ کے باہمی تعاون کی بہترین مثال قرار دیا
