لاہور(خبریں ڈیجیٹل) امریکی ریاست فلوریڈا نے نوجوانوں کو سوشل میڈیا کے ممکنہ نقصانات سے بچانے کیلئے انسٹاگرام اور فیس بک پر مزید سخت پابندیاں عائد کرنے کیلئے عدالت سےرجوع کرلیا ہے۔ فلوریڈا کے اٹارنی جنرل جیمز اتھمیئر نے پاسکو کانٹی کی عدالت میں درخواست دائر کی ہے جس میں میٹا کو نوجوان صارفین کیلئے فوری طور پر سخت حفاظتی اقدامات کا پابند بنانے کی استدعا کی گئی ہے۔ درخواست میں مطالبہ کیا گیا ہے کہ 14 سال سے کم عمر بچوں کے فیس بک اور انسٹاگرام اکانٹس ختم کیے جائیں جبکہ نوجوانوں کے دونوں پلیٹ فارمز پر مجموعی استعمال کو روزانہ 2 گھنٹے تک محدود کیا جائے۔ فلوریڈا نے یہ بھی مطالبہ کیا ہے کہ نوجوانوں کیلئے آٹو پلے اور لامحدود اسکرولنگ جیسی خصوصیات بند کی جائیں، جبکہ روزانہ مقررہ وقت مکمل ہونے کے بعد نوجوانوں کو اشتہارات اور براہِ راست پیغامات سے بھی روکنے کے اقدامات کیے جائیں
