ٹیکسلا ( نمائندہ خصوصی )نجی ہاسنگ سوسائٹی متاثرین کے احتجاج کی کوریج، میڈیا نمائندگان پر سوسائٹی مافیا کا شدید تشدد ، 5 سے زائد صحافی زخمی، زخمیوں میں تحصیل یونین آف جرنلسٹس ٹیکسلا کے صدر رشید مغل شامل، صحافی برادری سراپا احتجاج، تھانہ ٹیکسلا میں کاروائی کا آغاز کر دیا گیا، تفصیلات کے مطابق فیصل ہلز مافیا کے افغانی نقاب پوش غنڈوں کا سوسائٹی کی طرف سے قبضہ کے خلاف احتجاج کرنے والے متاثرین اور میڈیا کوریج کرنے والے صحافیوں پر ڈنڈوں اور رائفل کے بٹوں سیبدترین تشدد ،چند روز قبل ٹیکسلا کے نواحی گاوں جلالہ میں ایک غریب کسان نور حسین کی زمین پر نجی سوسائٹی فیصل ھلز کیقبضہ گروپ نے مبینہ قبضہ کرلیا نور حسین نے ہر وہ دروازہ کھٹکٹایا جس سے اسے امید تھی مگرکسی مقامی عوامی نمائندے پولیس تھانہ کچہری نے اسکا ساتھ نہ دیا تھانہ سے لیکر اسسٹنٹ کمشنر تک ھرجگہ فیصل ھلز قبضہ مافیا کیخلاف درخواست دی گء مگر مسلسل ٹال مٹول سے کام چلتارہا آج بعد نماز جمعہ فیصل ھلز کیباھر متاثرین نے احتجاج کرنے کا اعلان کیا میڈیا نمائندگان بشمول صدر تحصیل یونین آف جرنلسٹس رشید مغل احتجاج کی کوریج کررہے تھے کہ مبینہ طور پر غیر ملکی نقاب پوش افغانی غنڈوں نے حملہ کر دیا، متاثرین اور صحافیوں پر ڈنڈوں پستول رائفل کے بٹوں سے شدید تشدد کیا گیا، سینر صحافی رشید مغل سمیت پانچ افراد شدید زخمی ہوگئے، صحافیوں پر نجی ہاسنگ سوسائٹی فیصل ہلز مافیا کے نقاب پوش افغانی جتھے کی جانب سے تشدد کئے جانے پر صحافی برادری سراپا احتجاج ہے، اس حوالے سے تھانہ ٹیکسلا میں ابتدائی کاروائی کا آغاز کر دیا گیا ہے
