منشیات کی تعلیمی اداروں تک رسائی معاملہ انتہائی تشویش کا باعث

لاہور (کرائم رپورٹر) تعلیمی اداروں اور نوجوان نسل کا تحفظ اہم ترجیح ہے مگر منشیات کی تعلیمی
اداروں تک مبینہ رسائی کا معاملہ خاص طور پر تشویش کا باعث ہے۔ والدین اور شہریوں کی توقع ہے کہ تعلیمی اداروں کے اطراف نگرانی مثر بنائی جائے، طلبہ میں آگاہی پیدا کی جائے اور کسی بھی مشتبہ سرگرمی کی اطلاع پر فوری قانونی کارروائی کی جائے۔ اس کے ساتھ تعلیمی اداروں کی انتظامیہ، والدین، پولیس اور متعلقہ محکموں کے درمیان رابطے کو بہتر بنانا بھی ضروری ہے۔منشیات کے مسئلے سے نمٹنے کے لیے صرف چھاپے اور مقدمات کافی نہیں، بلکہ روک تھام، آگاہی، علاج اور بحالی کے اقدامات بھی ناگزیر ہیں۔ نشے کے عادی افراد کو مجرم سمجھ کر نظرانداز کرنے کے بجائے ان کے لیے علاج اور بحالی کے مثر مواقع فراہم کرنا بھی معاشرتی ذمہ داری ہے۔