لاہور(خبریںڈیجیٹل)پاکستان نے دوسرے ٹی ٹوئنٹی میں
سری لنکا کو 82 رنز سے شکست دے کر سیریز میں دو صفر کی فاتح کن برتری حاصل کر لی ہے ۔راولپنڈی کرکٹ اسٹیڈیم میں کھیلے جانے والے دوسرے ٹی 20 میچ میں سری لنکا نے ٹاس جیت کر پہلے پاکستان کو بیٹنگ کی دعوت دی ہے،جس میں پاکستان کے اوپنر بلے بازوں کپتان صاحبزادہ فرحان اور معاذ صداقت کی شاندار اننگز کی بدولت سری لنکا کو جیت کے لیے 216 رنز کا بڑا ہدف دیا ہے۔ سری لنکا نے ٹاس جیت کر پہلے فیلڈنگ کرنے کا فیصلہ کیا تھا،پاکستان کی پلیئنگ الیون میں ایک تبدیلی کی گئی ہے، رضا اللہ کی جگہ سلمان مرزا کو ٹیم میں شامل کیا گیا ہے۔میچ کے آغاز سے قبل قومی ٹیم کے کپتان صاحبزادہ فرحان نے بتایا کہ آج کی پچ پچھلے میچ کی نسبت زیادہ سخت ہے اور اس پر گھاس کم ہے، جو ہمارے کھلاڑیوں کے مزاج کے مطابق ہے۔ماہرین کے مطابق پچ نمبر 1 پر بیٹرز کو ٹرو بانس اور پیس ملنے کی توقع ہے جس سے شاندار کھیل دیکھنے کو مل سکتا ہے۔ اس اہم مقابلے کے لیے سری لنکا کی ٹیم میں 3 تبدیلیاں کی گئی ہیں، جبکہ پاکستان نے بھی اپنی فائنل الیون میں ایک تبدیلی کرتے ہوئے رضا اللہ کی جگہ سلمان مرزا کو ٹیم میں شامل کیا ہے۔پاکستان کی پلیئنگ الیون میں کپتان صاحبزادہ فرحان، فخر زمان، معاذ صداقت، حسن نواز، صائم ایوب، وکٹ کیپر خواجہ نافع، شاداب خان، محمد عمران، سلمان مرزا، نسیم شاہ اور ابرار احمد شامل ہیں۔اس کے علاوہ دونوں ممالک کے 15 رکنی اسکواڈز میں تجربہ کار اور نوجوان کھلاڑیوں کا بہترین امتزاج موجود ہے۔
دوسراٹی 20 پاکستان نے سری لنکا کو 82 رنز سے شکست دے کر سیریز جیت لی
