مناواں میںسڑک کراس کرتی خاتون گاڑی کی ٹکر سے جاں بحق

لاہور (این این آئی) مناواں کے علاقے میں
نامعلوم گاڑی کی ٹکر سے خاتون جاں بحق ہو گئی۔ بھینی رنگ روڈ کے قریب خاتون سڑک عبور کر رہی تھی کہ اس دوران نامعلوم گاڑی نے اسے ٹکر مار دی جس کے نتیجے میں وہ شدید زخمی ہو گئی۔ زخمی خاتون کو تشویشناک حالت میں ہسپتال منتقل کیا گیا جہاں ڈاکٹروں نے اس کی موت کی تصدیق کر دی۔ واقعے کے بعد پولیس نے خاتون کی لاش تحویل میں لے کر مردہ خانے منتقل کر دی۔