قتل کیس میں عمرقید کے 3 ملزمان کو شک کا فائدہ دیتے ہوئے بری کر دیا گیا

لاہور (کورٹ رپورٹر) چیف جسٹس لاہور ہائیکورٹ کی سربراہی میں دو رکنی بنچ نے اپیل منظور کرتے ہوئے قتل کیس میں عمر قید کے ملزمان عمران جاوید، خان تحسین اور حیدر علی کو شک کا فائدہ دیتے ہوئے بری کرنے کا حکم دے دیا۔ سکندر ذوالقرنین ایڈووکیٹ نے موقف اپنایا کہ مقتول شہباز کا پوسٹ مارٹم نعش ملنے کے دو روز بعد کیا گیا، ایڈیشنل سیشن جج نے 2021 ء میں تینوں مجرمان کو عمرقید کی سزا سنائی۔ مجرم عمران جاوید دیگر دو مجرمان کا وکیل ہے، مجرم جاوید کو ٹیلی فون رابطہ کرنے پر کیس میں ملوث کیا گیا،مجرمان پر قتل کرنے کی کوئی وجہ بیان نہیں کی گئی،گاڑی کرائے پر لینے کے بعد نعش برآمد ہونے پر مقدمہ درج کیا گیا۔ ایڈیشنل جج نے حقائق کے برعکس مجرمان کو سزا سنائی،عدالت مجرمان کو بری کرنے کا حکم دے۔