لاہور (جنرل رپورٹر) میٹرک دوسرے سالانہ امتحان 2026: کنٹرولر امتحانات کے سرپرائز وزٹ، نقل میں مبینہ طور پر ملوث 5 امیدواروں کے خلاف کارروائیلاہور تعلیمی بورڈ کے زیرِ اہتمام جاری میٹرک دوسرے سالانہ امتحان 2026 کے سلسلے میں ریاضی (میتھ) کے پرچے کے دوران امتحانی مراکز کی سخت نگرانی کی گئی۔ کنٹرولر امتحانات نے مختلف امتحانی مراکز کے اچانک دورے کیے، جن کے دوران مجموعی طور پر پانچ امیدواروں کے بارے میں مبینہ طور پر نقل میں ملوث ہونے کی نشاندہی ہوئی۔تفصیلات کے مطابق گورنمنٹ ہائی سیکنڈری اسکول فار بوائز، ننگل سادھا، مریدکے، ضلع شیخوپورہ میں محمد حسیب (رول نمبر 129698) اور محمد علی (رول نمبر 129614)، گورنمنٹ کمپری ہینسو ہائر سیکنڈری سکول، شیخوپورہ میں محسن (رول نمبر147367)، گورنمنٹ گرو نانک ہائی سیکنڈری اسکول فار بوائز، ننکانہ صاحب میں عبدالرحمان (رول نمبر 127461)، جبکہ گورنمنٹ کیپٹن حسنین نواز شہید ایم سی ہائی اسکول فار بوائز، ننکانہ صاحب میں حماد وٹو (رول نمبر 127735) کے بارے میں مبینہ طور پر نقل میں ملوث ہونے کی اطلاع ہے۔تمام پانچ امیدواروں کے خلاف ایو ایم سی کے اندراج اور مزید قانونی و تادیبی کارروائی کے لیے ضابطے کے مطابق اقدامات شروع کر دیے گئے ہیں۔ حتمی فیصلہ متعلقہ قانونی اور امتحانی ضوابط کے تحت شواہد اور کارروائی مکمل ہونے کے بعد کیا جائے گا۔اس موقع پر گفتگو کرتے ہوئے کنٹرولر امتحانات نے اس عزم کا اعادہ کیا کہ لاہور بورڈ شفاف، منصفانہ اور میرٹ پر مبنی امتحانات کے انعقاد کے لیے پرعزم ہے۔ انہوں نے واضح کیا کہ امتحانی نظام میں نقل اور بوٹی مافیا کے لیے کوئی گنجائش نہیں، جبکہ اس ضمن میں زیرو ٹالرنس پالیسی پر سختی سے عمل درآمد جاری ہے۔
