پاک بحریہ میں سویلین اپرنٹس کی 57 آسامیوں کا اعلان

سکھر (این این آئی) پاکستان نیوی نے سویلین اپرنٹس بیچ اے 2027 کے تحت صنعتی اور تکنیکی
شعبوں میں 57 آسامیوں پر بھرتی کا اعلان کیا ہے۔ اہل امیدوار 20 اکتوبر 2026 تک پاک بحریہ کی سرکاری ویب سائٹ کے ذریعے آن لائن رجسٹریشن کراسکتے ہیں۔ اعلامیے کے مطابق یکم جنوری 2027 کو امیدواروں کی عمر 15 سے 19 سال کے درمیان ہونی چاہیے اور ان کے لیے پاکستانی مرد شہری ہونا ضروری ہے۔ تعلیمی قابلیت میٹرک سائنس کم از کم 55 فیصد نمبروں کے ساتھ مقرر کی گئی ہے، جبکہ بلوچستان سے تعلق رکھنے والے امیدواروں کے لیے کم از کم 45 فیصد نمبر درکار ہوں گے۔ منتخب امیدواروں کو تین سالہ اپرنٹس شپ مکمل کرنا ہوگی، جبکہ ان کے لیے آٹھ سالہ معاہدے کی شرط بھی مقرر کی گئی ہے۔ کامیاب امیدواروں کو بی پی ایس 7 کے تحت میرٹ کی بنیاد پر بھرتی کیا جائے گا۔ خواہشمند امیدوار پاک بحریہ کی ویب سائٹ **www.joinpaknavy.gov.pk** پر رجسٹریشن کراسکتے ہیں۔ امیدواروں کو ہدایت کی گئی ہے کہ داخلہ امتحان کے روز رجسٹریشن سلپ پر درج ہدایات کے مطابق حاضر ہوں۔ مزید معلومات کے لیے پاکستان نیوی کے سکھر سمیت ملک بھر میں قائم بھرتی و انتخابی مراکز سے رابطہ کیا جاسکتا ہے۔