گورنر سندھ سید محمد نہال ہاشمی سے وفاقی وزیر برائے مذہبی امور و بین المذاہبہم آہنگی سردار محمد یوسف کی ملاقات

کراچی (این این آئی)گورنر سندھ سید محمد نہال ہاشمی سے وفاقی وزیر برائے مذہبی امور و بین
المذاہب ہم آہنگی سردار محمد یوسف نے گورنر ہاؤس میں ملاقات کی۔ ملاقات میں گورنر سندھ اور وفاقی وزیر مذہبی امور کے درمیان باہمی دلچسپی کے امور پر تبادلہ خیال کیا گیا۔ گورنر سندھ نے حج انتظامات اور عازمینِ حج کو سہولیات کی فراہمی کے لیے اقدامات کو سراہا۔ گورنرسندھ نے کہا کہ عازمینِ حج کو بہترین سہولیات کی فراہمی قابلِ تحسین ہے۔ملاقات میں گورنر ہاؤس میں سیرت النبی ۖ لائبریری کے قیام سمیت مختلف امور پر گفتگو میں سیرت النبیۖ لائبریری کے ذریعے سیرتِ طیبہ سے آگاہی اور اسلامی تعلیمات کے فروغ پر زور دیا گیا۔ سید محمد نہال ہاشمی نے کہا کہ مذہبی تعلیمات کے فروغ اور بین المذاہب ہم آہنگی کے لیے مشترکہ کوششیں ضروری ہیں۔ ملاقات میں مذہبی امور اور سیرت النبی ۖ کے پیغام کو عام کرنے سے متعلق امور پر بھی تبادلہ خیال کیا گیا۔