اپریشن ردالفتنہ 3 بلوچستان میں فتنہ الخوارج کے 5 دہشت گرد ہلاک

کوئٹہ(نیوز ایجنسیاں ) بلوچستان کے مختلف علاقوں میں آپریشن ردالفتنہ 3کے تحت سکیورٹی
فورسز کی کارروائیاں جاری ہیں،سکیورٹی فورسز نے بلوچستان کے ضلع واشک کے علاقے پلانتک میں انٹیلی جنس بیسڈ آپریشن کے دوران فتنہ الخوارج کے 5دہشت گردوں کو ہلاک اور 4 کو زخمی کردیا ، دہشت گردوں کے ٹھکانوں کو جدید ہتھیاروں سے نشانہ بنایا گیا۔ہلاک دہشت گردوں سے جدید اسلحہ اور گولابارود برآمد کرلیا گیا،برآمد شدہ سامان میں آرپی جی7، 5گولے،میگزینز سمیت5جدید ہتھیار،3موبائل فونز اور2موٹر سائیکلیں شامل ہیں۔سکیورٹی ذرائع کے مطابق ہلاک دہشت گرد بلوچ عوام کو لوٹنے، خوف وہراس پھیلانے اورانفراسٹرکچر کو نقصان پہنچانے میں ملوث تھے۔ سکیورٹی فورسز بلوچستان سے دہشت گردی کے خاتمے کیلئے پرعزم، آخری دہشت گرد کے خاتمے تک کارروائیاں جاری رہیں گی۔
آپریشن ردالفتنہ 3