فتح جنگ میں 31 اکتوبر کو بلڈ کیمپ اور آگاہی سیمینار کا انعقادہوگا

فتح جنگ (بیورو رپورٹ)ایکسل کالج آف سائنس اینڈ کامرس، فتح جنگ میں 31 اکتوبر کو بلڈ کیمپ اور تھیلیسیمیا و ہیموفیلیا آگاہی سیمینار کا انعقاد کیا جائے گا۔گزشتہ روز ایکسل کالج میں منعقدہ میٹنگ میں انجمن بہبود مریضاں رجسٹڑڈ فتح جنگ کے صدر ملک رفاقت اعوان۔سینئر نائب صدر ملک جبار احمد جباری۔ کالج کی ڈائریکٹر مس مہوش اعجاز
اور ایگزیکٹو آفیسر مس ام حبیبہ اور مدثر ارباب نے کالج انتظامیہ کی قیادت کی۔سندس فاؤنڈیشن کی جانب سے محمد سلیم اور ڈاکٹر طارق نے شرکت کی۔ اجلاس میں خون کے عطیات کی اہمیت اور تھیلیسیمیا و ہیموفیلیا کے حوالے سے آگاہی پر تفصیلی تبادلہ خیال کیا گیا۔اور فیصلہ کیا گیا کہ ایکسل کالج آف سائنسز اینڈ کامرس میں انجمن بہبود مریضاں۔راہ خیر بلڈ ڈونیشن سیل کے تعاون سے سندس فاؤنڈیشن کی ٹیم31اکتوبر بروز ہفتہ بلڈ ڈونیشن کیمپ کا انعقاد کرے گی اس موقع پر آگاہی سیمینار بھی منعقد کیا جا? گا سندس فاؤنڈیشن نے مدثر ارباب اور ایکسل کالج کی پوری ٹیم، بالخصوص مس مہوش اعجاز اور مس ام حبیبہ کا شکریہ ادا کیا کہ انہوں نے بلڈ ڈونیشن کے لیے بہترین پلیٹ فارم مہیا کیا۔