پشاور اسکول حادثہ، جاپانی سفیر کا بچوں اور استاد کی اموات پر اظہارِ تعزیت

اسلام آباد (نامہ نگار خصوصی) پاکستان میں جاپان کے سفیر اکاماتسو شوئیچی نے پشاور میں نجی اسکول کی چھت گرنے کے افسوسناک واقعے میں بچوں اور استاد کی اموات پر گہرے دکھ اور افسوس کا
اظہار کرتے ہوئے متاثرہ خاندانوں سے دلی تعزیت کی ہے۔اسلام آباد میں جاپانی سفارت خانے کی جانب سے 15 اکتوبر 2026 کو جاری بیان کے مطابق، جاپانی سفیر نے حادثے میں جاں بحق ہونے والے بچوں اور استاد کے اہل خانہ سے ہمدردی کا اظہار کیا اور زخمیوں کی جلد صحت یابی کے لیے نیک تمناں کا اظہار کیا۔اپنے تعزیتی پیغام میں سفیر اکاماتسو شوئیچی نے کہا کہ پشاور کے نجی اسکول کی چھت گرنے کے افسوسناک واقعے پر انہیں گہرا دکھ ہے۔ انہوں نے کہا کہ جاں بحق ہونے والے بچوں اور استاد کے اہل خانہ کے غم میں برابر کے شریک ہیں اور اس حادثے سے متاثر ہونے والے تمام افراد کے ساتھ ان کی ہمدردیاں ہیں۔جاپانی سفیر نے زخمیوں کی جلد صحت یابی کی دعا کرتے ہوئے اس سانحے سے متاثرہ خاندانوں کے ساتھ یکجہتی کا اظہار کیا۔