کوئٹہ،اے این ایف نے افغانستان سے منسلک منشیات اسمگلنگ کی کوشش ناکام بنادی، گاڑی سے 25 کلو اعلی کوالٹی ہیروئن برآمد، ملزم گرفتار

کوئٹہ(آئی این پی) اے این ایف نے افغانستان سے منسلک منشیات اسمگلنگ نیٹ ورک کی سرگرمیوں کیخلاف بڑا کریک ڈائون کرتے ہوئے گاڑی سے 25 کلو اعلی کوالٹی ہیروئن برآمد کرکے ملزم گرفتارکرلیا۔برآمد شدہ ہیروئن کی مالیت 3 کروڑ روپے سے زائد ہے،منشیات کوبلوچستان کے راستے سندھ اور پنجاب منتقل کرنے کی کوشش کی جارہی تھی جسے اے این ایف نے ناکام بنادیا۔ ترجمان اے این ایف کے مطابق ادارے نے انٹیلی جنس بیسڈ آپریشن کے دوران کارروائی کرتے ہوئے گاڑی سے منشیات برآمد کی،ہیروئن گاڑی میں انتہائی مہارت سے تیار کیے گئے خفیہ خانوں میں چھپائی گئی تھی،کارروائی سیٹلائٹ ٹاون کوئٹہ کے قریب مشرقی بائی پاس سے متصل علاقے میں کی گئی۔افغانستان کے سرحدی علاقے برامچہ سے سرگرم منشیات اسمگلنگ نیٹ ورک بلوچستان کے راستے منشیات سندھ اور پنجاب منتقل کرنے کی کوشش میں تھا۔