سائبر کرائم متاثرین کیلئے بڑی سہولت پولیس ہیلپ لائن 15کو این سی سی آئی اے سے منسلک کر دیا گیا

اسلام آباد’لاہور( این این آئی) شہری اب سائبر جرائم کی شکایات بھی 15پر رپورٹ کر سکیں گے۔ اسلام آباد نیشنل سائبر کرائم انویسٹیگیشن ایجنسی کے ڈائریکٹر جنرل سید علی ناصر رضوی کے مطابق ملک کے مختلف صوبوں اور بڑے شہروں میں پولیس ایمرجنسی ہیلپ لائن 15کو این سی سی آئی اے کے نظام سے منسلک کر دیا گیا ہے۔اب شہری آن لائن فراڈ، بلیک میلنگ، سائبر ہراسانی، ڈیٹا چوری اور دیگر سائبر جرائم کی شکایات ہیلپ لائن 15پر رپورٹ کر سکیں گے، جو متعلقہ این سی سی آئی اے زون کو قانونی کارروائی کے لیے منتقل کی جائیں گی۔