ریاض (این این آئی)سعودی عرب نے حوثیوں کے مسلسل مہلک حملوں کے تناظر میں 2026 کی ڈیووس ان ڈیزرٹ سرمایہ کاری کانفرنس ملتوی کر دی۔غیر ملکی میڈیا رپورٹس کے مطابق سعودی عرب نے تصدیقی بیان جاری کرتے ہوئے کہا ہے کہ اہم سرمایہ کاری کانفرنس فیوچر انویسٹمنٹ انیشی ایٹو اگلے سال تک ملتوی کر دی گئی ہے۔جاری کیے گئے بیان کے مطابق سالانہ کانفرنس کا آغاز آئندہ ہفتے 26 اکتوبر کو ہونا تھا جو 29 اکتوبر تک جاری رہتی۔بیان میں کہا گیا ہے کہ آئندہ سال کانفرنس کی نئی تاریخ کا اعلان بہت جلد کیا جائے گا۔کانفرنس کی ویب سائٹ کے مطابق متوقع مقررین میں الفابیٹ اور گوگل کی صدر اور چیف انویسٹمنٹ آفیسر روتھ پوراٹ، گولڈمین ساکس گروپ کے چیئرمین اور چیف ایگزیکٹیو ڈیوڈ سولومن اور بلیک راک کے چیئرمین اور چیف ایگزیکٹیو لارنس فنک شامل تھے۔
