گوجرانوالہ:دولہا دلہن کی گاڑی پر فائرنگ، دلہن جاں بحق، ملزمان فرار ، مقدمہ درج

گوجرانوالہ (این این آئی) گوجرانوالہ میں سمن آباد چونگی کے قریب ولیمے کی تقریب میں جاتے ہوئے دولہا دلہن کی گاڑی پر فائرنگ کے نتیجے میں دلہن جاں بحق ہوگئی۔ پولیس کے مطابق واقعہ گزشتہ رات پیش آیا، فائرنگ کے بعد ملزمان فرار ہوگئے۔ مقتولہ لڑکی کی ایک روز قبل شادی ہوئی تھی۔ مقتولہ کے والد کی مدعیت میں2 نامزد سمیت 3 ملزمان پر مقدمہ درج کر لیا گیا ہے جس میں لڑکی کی دوست کو بھی نامزد کیا گیا ہے۔ پولیس کے مطابق مقدمے میں نامزد ملزم لڑکی سے شادی کرنا چاہتا تھا لیکن لڑکی کے گھر والوں نے رشتے سے انکار کر دیا تھا۔ مقدمے میں نامزد ملزم مقتولہ کی دوست لڑکی کا رشتے دار ہے۔ پولیس کے مطابق واقعے کی مزید تحقیقات اور ملزمان کی تلاش جاری ہے۔