سی سی ڈی پنجاب کی کارروائیوں کے نتیجے میں جرائم کی شرح میں کمی آئی:ترجمان

لاہور (کرائم رپورٹر) سی سی ڈی پنجاب کے ترجمان کے مطابق صوبہ بھر میں جرائم کی روک تھام کے لیے جاری کارروائیوں کے نتیجے میں تمبر2023 کے مقابلے میں ستمبر 2025 کے دوران ڈکیتی، رابری، موٹر سائیکل چوری اور دیگر جرائم کی شرح میں 63فیصد کمی ریکارڈ کی گئی ہے۔ ترجمان سی سی ڈی کے مطابق لاہور ریجن میں جرائم کی شرح میں78 فیصد کمی ہوئی جبکہ شیخوپورہ ریجن میں 57 فیصد، گوجرانوالہ میں 58 فیصد، راولپنڈی میں 52 فیصد، سرگودھا میں56 فیصد اور فیصل آباد ریجن میں68 فیصد کمی ریکارڈ کی گئی۔ اسی طرح ساہیوال ریجن میں جرائم کی شرح 66 فیصد، ملتان میں 59 فیصد، بہاولپور میں58 فیصد اور ڈیرہ غازی خان ریجن میں 43 فیصد کم ہوئی۔ ستمبر 2023 کے مقابلے میں ستمبر 2025 کے دوران ہاس ڈکیتی کے مقدمات میں 81 فیصد، شارع عام پر ڈکیتی کی وارداتوں میں72 فیصد اور رابری کے واقعات میں71 فیصد کمی ریکارڈ کی گئی۔ ہائوس رابری میں 65 فیصد، موٹر سائیکل چھیننے کے واقعات میں67 فیصد جبکہ موٹر سائیکل چوری کی وارداتوں میں 56 فیصد کمی سامنے آئی۔ ترجمان سی سی ڈی کا کہنا ہے کہ ادارے کے قیام کے بعد جرائم کی شرح میں ہونے والی نمایاں کمی اس کی کارکردگی کا ثبوت ہے۔ عوام کے تعاون سے سنگین جرائم کے خاتمے اور شہریوں کے جان و مال کے تحفظ کے لیے کوششیں جاری رکھی جائیں گی۔