ایس آئی ایف سی کی معاونت’ ڈیجیٹل معاشی ترقی ‘آئی ٹی برآمدات میں اضافہ

اسلام آباد (این این آئی) ایس آئی ایف سی کی معاونت سے پاکستان کی ڈیجیٹل معاشی ترقی اور آئی ٹی برآمدات میں نمایاں اضافہ ہو رہا ہے۔ رپورٹ کے مطابق سپیشل انوسٹمنٹ فیسلٹی کونسل (ایس آئی ایف سی)کی بھرپور اور مسلسل معاونت کے نتیجے میں ستمبر 2026میں پاکستان کی آئی ٹی برآمدات 435ملین ڈالر تک پہنچ گئیں۔ رواں مالی سال کی پہلی سہ ماہی میں آئی ٹی برآمدات کا مجموعی حجم 1.25بلین ڈالر ریکارڈ کیا گیا ہے۔ پاکستان کی ڈیجیٹل معیشت ہنر مند نوجوانوں کیلئے روزگار کے نئے مواقع پیدا کر رہی ہے۔ اسی طرح پاکستانی فری لانسرز کی برآمدی آمدن ستمبر 2026 میں تاریخ کی بلند ترین سطح پر پہنچ گئی ہے جبکہ ستمبر میں پاکستانی فری لانسرز نے197ملین ڈالر کی ریکارڈ آمدن حاصل کی ہے۔