PTA کاغیرفعال، منسوخ سمزپررجسٹرڈ واٹس ایپ اکائونٹس بلاک کرنیکا فیصلہ

لاہور (این این آئی) پاکستان ٹیلی کمیونی کیشن اتھارٹی نے غیرفعال اور منسوخ شدہ موبائل سمز سے منسلک واٹس ایپ اکائونٹس بلاک کرنا شروع کر دیئے ہیں۔ پی ٹی اے کے مطابق غیرفعال سمز پر رجسٹرڈ واٹس ایپ اکائونٹس کے غلط استعمال کا خدشہ ہے، جس کے پیش نظر فراڈ اور غیر قانونی سرگرمیوں کی روک تھام کے لیے یہ اقدام کیا گیا ہے۔ ترجمان پی ٹی اے نے صارفین کو ہدایت کی ہے کہ وہ اپنی موبائل سمز کی فعالیت کی تصدیق کریں اور اگر اپنا موبائل نمبر تبدیل کرچکے ہیں تو واٹس ایپ پر بھی نیا نمبر اپ ڈیٹ کریں۔ پی ٹی اے نے کہا ہے کہ صارفین اپنے واٹس ایپ اکائونٹس صرف ایسے موبائل نمبرز پر رجسٹرڈ رکھیں جو ان کے زیر استعمال ہوں تاکہ اکائونٹس کے ممکنہ غلط استعمال سے بچا جاسکے۔