اے آئی پالیسی پر عملدرآمد میں تاخیر، ڈیٹا سینٹرز تاحال قائم نہ ہو سکے

اسلام آباد(این این آئی) پاکستان میں مصنوعی ذہانت (اے آئی) پالیسی کابینہ سے منظوری کے باوجود تاحال عملی مرحلے میں داخل نہیں ہو سکی جبکہ پالیسی کے تحت اے آئی کونسل کا قیام اور ڈیٹا سینٹرز کی تعمیر بھی مالی وسائل کی کمی کے باعث تعطل کا شکار ہے۔ وزارتِ انفارمیشن ٹیکنالوجی کے مطابق اے آئی پالیسی پر عمل درآمد جون 2027 تک شروع ہونے کا امکان ہے تاہم اس کے لیے درکار فنڈز کی دستیابی ضروری ہے۔تفصیلات کے مطابق پالیسی کی منظوری کو تقریباً ڈیڑھ سال گزرنے کے باوجود اس کے تحت مجوزہ اے آئی کونسل قائم نہیں ہو سکی، اسی طرح مصنوعی ذہانت کے شعبے کے لیے ضروری انفراسٹرکچر، بالخصوص ڈیٹا سینٹرز کے قیام پر بھی تاحال عملی پیش رفت نہیں ہو سکی۔رپورٹ کے مطابق نیشنل اے آئی ایکو سسٹم ڈیولپمنٹ پروگرام بھی ایک ارب امریکی ڈالر کے مطلوبہ فنڈز کی عدم دستیابی سے متاثر ہو رہا ہے۔