پی ٹی آئی رہنما حماد اظہر نے جیل سے درخواست ضمانت دائر کر دی

لاہور(آئی این پی )جناح ہائوس حملہ اور جلائو گھیرائو کے مقدمے میں پی ٹی آئی رہنما حماد اظہر نے جیل سے ضمانت کی درخواست دائر کر دی۔حماد اظہر نے سکندر ذولقرنین سلیم ایڈووکیٹ کی وساطت سے درخواست ضمانت دائر کی جس کے بعد عدالت نے حماد اظہر کی درخواست ضمانت پر نوٹس جاری کر دیئے۔انسداد د ہشت گردی عدالت کے جج منظر علی گل نے سماعت کی۔درخواست میں موقف اختیارکیاگیاکہ سیاسی بنیاد پر تین سال کی تاخیر سے گرفتار کیا گیا ،ضمانت پر رہائی دی جائے ۔تفتیشی افسرکے مطابق ملزم جناح ہاوس حملہ کیس میں ملوث اور تین سال نو مئی کے مقدمات میں اشتہاری رہا ہے ۔ جناح ہاوس جلائو گھیرائو کا مقدمہ تھانہ سرور روڈ پولیس نے درج کررکھا ہے،جناح ہاوس حملے کا تھانہ سرور روڑ میں مقدمہ نمبر 96/23 درج ہے۔