ابوظہبی سے کراچی آنے والی پرواز میں مسافر کی ہنگامہ آرائی

کراچی(این این آئی) ابوظہبی سے کراچی پہنچنے والی غیر ملکی پرواز میں ایک مسافر کی جانب سے دورانِ پرواز ہنگامہ آرائی اور عملے کے ساتھ بدتمیزی کا واقعہ پیش آیا، جس پر دیگر مسافروں نے شکایت کردی۔تفصیلات کے مطابق ابوظہبی سے کراچی آنے والی پرواز میں ایک مسافر نے دورانِ سفر شور شرابا شروع کردیا اور مبینہ طور پر عملے کے ساتھ بدتمیزی کرتا رہا۔دیگر مسافروں نے مسافر کے غیر مناسب رویے اور حالت پر پرواز کے عملے سے شکایت کی۔ پرواز کی کراچی آمد پر متعلقہ عملے نے مبینہ طور پر نشے میں دھت مسافر کو تحویل میں لے لیا۔واقعے سے متعلق مزید تحقیقات جاری ہیں۔