سیالکوٹ(خبریں ڈیجیٹل) پنجاب میں دفعہ 144 جبکہ فراز سپورٹس اسٹیڈیم میں انعامات کی تقسیم کے دوران بھگدڑ، ایک شخص جاں بحق، 13 افراد زخمیسیالکوٹ: ڈسکہ روڈ پر واقع فراز سپورٹس اسٹیڈیم میں معروف ٹک ٹاکر "پتلو” کی شادی کی تقریبات کے سلسلے میں گزشتہ تین روز سے مختلف پروگرام جاری تھے۔ اسی سلسلے میں فینز اور فالوورز کے لیے انعامات کی تقسیم کی تقریب منعقد کی گئی دفعہ 144 کے باوجود تقریب کی اجازت کس نے دی ، جہاں بڑی تعداد میں لوگوں کی آمد کے باعث اسٹیڈیم میں رش بڑھ گیا۔ذرائع کے مطابق اسٹیڈیم کا گیٹ مقررہ وقت سے قبل کھول دیے جانے کے بعد اچانک بھگدڑ مچ گئی، جس کے نتیجے میں 14 افراد زخمی و متاثر ہوئے۔ ریسکیو 1122 کے مطابق اطلاع ملتے ہی چار ایمبولینسز اور ایک موٹر بائیک ایمبولینس موقع پر پہنچ گئیں اور فوری امدادی کارروائیاں کرتے ہوئے تمام متاثرین کو علامہ اقبال میموریل ٹیچنگ ہسپتال سیالکوٹ منتقل کیا گیا۔ہسپتال میں زیر علاج 30 سالہ عقیل ولد بشیر احمد، سکنہ بڈھا گورایہ، زخموں کی تاب نہ لاتے ہوئے جاں بحق ہوگئے، جبکہ دیگر 13 زخمیوں کو ابتدائی طبی امداد کے بعد علاج کی سہولیات فراہم کی جا رہی ہیں۔واقعے کی اطلاع ملتے ہی ڈسٹرکٹ پولیس آفیسر سیالکوٹ، کیپٹن (ر) دوست محمد، پولیس کی بھاری نفری کے ہمراہ موقع پر پہنچ گئے اور امدادی سرگرمیوں کی نگرانی کی۔ڈی پی او سیالکوٹ کیپٹن (ر) دوست محمد نے کہا کہ شہریوں کی جان و مال کا تحفظ پولیس کی اولین ترجیح ہے۔ انہوں نے کہا کہ واقعے کے تمام پہلوں کا باریک بینی سے جائزہ لیا جا رہا ہے، ذمہ داروں کے خلاف قانون کے مطابق کارروائی عمل میں لائی جائے گی، جبکہ حادثے کی وجوہات کی مکمل تحقیقات جاری ہیں۔انہوں نے شہریوں سے اپیل کی کہ بڑے اجتماعات کے دوران نظم و ضبط برقرار رکھیں، دھکم پیل سے گریز کریں اور انتظامیہ کی ہدایات پر عمل کریں تاکہ مستقبل میں ایسے افسوسناک واقعات سے بچا جا سکے۔
