سرکاری خزانے کو لوٹنے والوں کا کارنامہ، پبلک اکانٹس کی ذیلی کمیٹی بے نقاب

اسلام آباد (لیڈی رپورٹر)سرکاری لاجز کے کرایوں کے بقایاجات، وزرا کو خلاف ضابطہ بلٹ پروف اور ایڈیشنل گاڑیاں دینے کے معاملات پ آڈٹ حکام اور وزارت ہاسنگ کے حکام کے درمیان سخت جملوں کا تبادلہ ہوا۔اجلاس میں آڈٹ حکام نے انکشاف کیا کہ مختلف لاجز کے کرایوں کی مد میں کروڑوں روپے کے بقایاجات برسوں سے واجب الادا چلے آ رہے ہیں لیکن ریکوری کی رفتار نہ ہونے کے برابر ہے۔ دس سال کے طویل عرصے میں صرف 22 لاکھ روپے ریکور کیے گئے ہیں۔ اس پر کنوینر کمیٹی نے شدید برہمی کا اظہار کرتے ہوئے کہا کہ دس سال میں آپ نے صرف 22 لاکھ ریکور کیے ہیں، اتنے پیسے زیادہ کیسے جاتے ہیں؟ سوال پر وزارت حکام نے جواب دیا کہ اب رولز سخت کر لیے گئے ہیں اور اب موجودہ الاٹیز کے بقایاجات نہیں ہیں، تاہم پرانے بقایاجات کی ریکوری کے حوالے سے حکام کوئی تسلی بخش جواب نہ دے سکے۔دوسرے آڈٹ اعتراض میں منسٹر کے لیے خلاف ضابطہ طور پر بلٹ پروف گاڑی کی خریداری کا معاملہ زیر بحث آیا۔ آڈٹ حکام نے کمیٹی کو بتایا کہ اس خریداری میں پیپرا رولز کی کھلی خلاف ورزی کی گئی اور چار سال پرانی گاڑی خریدی گئی۔ آڈٹ حکام کا کہنا تھا کہ چار سال پرانی گاڑی لینے کا کوئی تک ہی نہیں بنتا تھا۔ اس پر سیکرٹری ہاسنگ نے موقف اختیار کیا کہ یہ گاڑی کابینہ ڈویژن کو جمع کرا دی گئی ہے، میرا خیال ہے اس وقت اکرم درانی ہاسنگ کے منسٹر ہوں گے، اور متعلقہ افسر اس وقت ریٹائر ہو گئے ہیں۔ کمیٹی نے اس معاملے کو وارننگ کے ساتھ نمٹا دیا۔تیسرا اور سب سے اہم معاملہ غیر مجاز طور پر منسٹر کو دو ایڈیشنل گاڑیاں دینے سے متعلق تھا۔ آڈٹ حکام نے بتایا کہ ابھی تک اس مد میں کوئی ریکوری نہیں ہوئی۔ سیکرٹری ہاسنگ نے اعتراف کیا کہ اگست میں آخری خط لکھا تھا، لیکن وہاں سے کوئی جواب نہیں آ رہا۔ اس پر کنوینر کمیٹی نے سخت ہدایت دیتے ہوئے کہا کہ الیکشن کمیشن کو خط لکھیں، جو بھی منسٹر تھے ان کو خط لکھیں کہ نادہندہ کی فہرست میں اس کو شامل کیا جائے تاکہ اگلی دفعہ الیکشن لڑنے آئیں تو ہمارے پیسے دیں۔کمیٹی ذرائع کے مطابق وزارت ہاسنگ کے حکام کی جانب سے ریکوری میں سستی اور بااثر شخصیات کو تحفظ دینے پر کمیٹی ارکان نے شدید تحفظات کا اظہار کیا اور آئندہ اجلاس میں مکمل ریکوری رپورٹ پیش کرنے کی ہدایت کی ہے۔