ڈکیتی چوری کی نان سٹاپ وارداتیں شہری لٹتے رہے پولیس بے بس

لاہور(کرائم رپورٹر) شہر میں چوری اور ڈکیتی کی وارداتوں کے دوران شہریوں سے لاکھوں روپے طلائی زیورات موبائل فون موٹر سائیکلوں اور گاڑیوں سمیت دیگر سامان لوٹ لیا گیا۔ تفصیلات کے مطابق بادامی باغ میں خیام سے 3 لاکھ 15 ہزار روپے اور موبائل فون، رائیونڈ میں مدثر سے 3 لاکھ 10 ہزار روپے اور موبائل فون، کاہنہ میں عبدالرزاق سے 3 لاکھ روپے اور موبائل فون، غازی آباد میں مظہر سے 2 لاکھ 60 ہزار روپے موبائل فون اور دیگر سامان چھین لیا گیا۔ ڈیفنس اور انار کلی سے گاڑیاں جبکہ اسلام پورہ فیصل ٹائون اور قلعہ گجر سنگھ سے موٹر سائیکلیں چوری ہوگئیں۔