پیرس (خصوصی رپورٹ) ایک ایسے وقت میں جب سعودی حکومت معیشت کو سہارا دینے کیلئے ہنگامی اقدامات کر رہی ہے‘ بجٹ کم کردیا گیا ہے‘ حکومتی ٹھیکے روک دیئے گئے ہیں اور ملازمین کی تنخواہوں میں بھی کمی کر دی گئی ہے‘ نائب سعودی ولی عہد کی جانب سے مہنگے ترین شوق کی تکمیل کیلئے 50کروڑ یورو خرچ کرنے کا انکشاف ہوا ہے۔ امریکی میڈیا کے مطابق سعودی عرب کے نائب ولی عہد محمد بن سلمان کی شاہ خرچی اس وقت دیکھی گئی جب وہ چھٹیاں منانےکیلئے فرانس میں تھے۔ انہوں نے سمندر میں کھڑا ایک جہاز دیکھا‘ دیکھتے ہی پسند کر لیا اور پھر اسے فوری خریدنے کا حکم بھی دے دیا۔ اپنے ہم رکابیوں کو جہاز کے مالک کے پاس بھیجا اور پھر محض گھنٹوں میں سودا طے ہوا جس کے بعد جہاز کے روسی مالک کو 50کروڑ یورو کی ادائیگی کر دی گئی۔ اسی روز جہاز سعودی شہزادے کے حوالے بھی کر دیا گیا۔
