بچوں میں سوشل میڈیا کا استعمال زہرقاتل’ بہت بڑا المیہ ہے : اختراقبال ڈار

شیخوپورہ (بیورورپورٹ) تحریک انصاف نظریاتی کے چیئرمین اختر اقبال ڈار نے کہا ہے کہ بچوں میں سوشل میڈیا کا استعمال زہر قاتل بن چکا ہے اور یہ مسئلہ مہنگائی لاقانونیت سے بھی سنگین صورتحال اختیار کر چکا ہے 16سال سے کم عمر بچوں کا سوشل میڈیا کے استعمال سے ان کی بری تربیت ہور ہی ہے اور وہ نا مناسب غیر اخلاقی مواد پرتشدد فیک ویڈیوز دیکھنے کے باعث دین اور اللہ سے دوری کے ساتھ ساتھ اخلاقی طور پر تباہ ہورہے ہیں انہوں نے کہاکہ والدین دن رات محنت مزدوری کرکے اپنے وسائل کے مطابق بچوں کو پڑھا لکھا رہے ہیں مگر ہماری توجہ اس طرف مبذول نہ ہے کہ ہمارا حقیقی سرمایہ ہمارا مستقبل ہمارے بچے ہم سے دور ہوتے ہوئے کسی اور دنیا میں گم ہورہے ہیں انہوں نے کہاکہ یہ بہت بڑا المیہ ہے اس کا فل الفور نوٹس لیتے ہوئے اسمبلی میں قانون سازی کرتے ہوئے تمام سٹیک ہولڈرز تمام سیاسی و مذہبی اکابرین و حکومت پاکستان کو اس بے لگام سوشل میڈیا کو لگام دینے کیلئے اور اپنے بچوں اور اپنے مستقبل کو محفوظ بنانے کیلئے فوری عملی اقدامات اٹھانا ہوں گے ورنہ ہمارے ہاتھ پچھتاوے کے علاوہ کچھ نہ آئے گا۔