خیبرپختونخوا کے 12مخصوص اضلاع میں جدید اینٹی ڈرون ٹیکنالوجی متعارف کرانے کا فیصلہ،10ارب سے زائد خرچ ہونگے

پشاور(نیوز ایجنسیاں )خیبرپختونخوا کے مخصوص 12اضلاع کو ڈرون حملوں سے محفوظ بنانے
کیلئے جدید اینٹی ڈرون ٹیکنالوجی متعارف کرانے کا فیصلہ کیا گیا ہے، اس منصوبے پر 10ارب روپے سے زائد خرچ کیے جائیں گے۔ صوبائی مشیر اطلاعات برائے مخصوص اضلاع محمود جان بابر کے مطابق جدید ٹیکنالوجی ڈرون کی شناخت اور اسے گرانے کی صلاحیت رکھتی ہے۔ کسی بھی ڈرون کے ان 12 اضلاع میں داخل ہوتے ہی یہ ٹیکنالوجی متحرک ہو جائے گی۔انہوں نے بتایا کہ جدید اینٹی ڈرون ٹیکنالوجی ایک شیلڈ کی طرح مخصوص اضلاع کو ڈرون سے تحفظ فراہم کرے گی۔محمود جان بابر کا کہنا تھا کہ ڈرون حملوں کو روکنے کیلئے جدید ٹیکنالوجی متعارف کرانا وقت کی ضرورت ہے۔انہوں نے مزید بتایا کہ 70 ارب روپے کے مختص فنڈز میں سے 60 ارب روپے پولیس کے لئے رکھے گئے ہیں، جبکہ 12 مخصوص اضلاع کی کائو نٹر ٹیررازم ڈیپارٹمنٹ (سی ٹی ڈی) کو جدید ٹیکنالوجی کی فراہمی کے لیے 10 ارب روپے سے زائد کے فنڈز جاری کیے جائیں گے۔
اینٹی ڈرون