کراچی، چندے کا ڈبہ چوری کرنے والا مبینہ چور شہریوں کے ہتھے چڑھ گیا

کراچی(آئی این پی )کراچی کے علاقے نیو کراچی سیکٹر 5-اے کے قریب شہریوں نے ایک مبینہ چور کو رنگے ہاتھوں دبوچ لیا۔تفصیل کے مطابق مبینہ چور ایک دکان یا مقام پر رکھے گئے چندے کے ڈبے کو توڑ کر اس میں سے نقدی چوری کرنے کی کوشش کر رہا تھا اور پیسے نکال رہا تھا کہ اتنے میں شہریوں کی نظر اس پر پڑ گئی۔شہریوں نے فوری طور پر کارروائی کرتے ہوئے ملزم کو قابو کر لیا اور اسے مبینہ طور پر چندے کے ڈبے کے ساتھ ہی باندھ کر بدترین تشدد کا نشانہ بنایا۔ واقعے کی ویڈیو اور خبر سامنے آنے کے بعد پولیس نے معاملے کا نوٹس لے کر قانونی کارروائی شروع کر دی ہے۔