اگلے دس دن ملک کیلئے انتہائی اہم ہیں

اسلام آباد (مانیٹرنگ ڈیسک) اگلے دس دن ملک کے لئے بہت اہم ہیں، وزیراعظم نوازشریف ملک کو شدید لڑائی کی جانب لے جا رہے ہیں جو ملک کیلئے اور خود ان کے لئے بہتر نہیں ہے۔ ان خیالات کا اظہار سینئر تجزیہ کار نے نجی ٹی وی سے گفتگو کے دوران کیا۔ تجزیہ کار نے کہا کہ نیشنل سکیورٹی کی خلاف ورزی کی گئی لیکن اب تک کوئی ایکشن نہیں لیا گی۔ متنازع خبر لیک کرنے کے ذمہ دار اسلام آباد میں کھلے عام پھر رہے ہیں۔ وزیراعظم نوازشریف کو بڑے بحرانوں کا سامنا ہے اور وہ کمزور وکٹ پر کھیل رہے ہیں۔ اگلے دس دن ملک کی سیاست کیلئے انتہائی اہم ہیں۔ دفاعی تجزیہ کار جنرل (ر) غلام مصطفی نے کہا کہ متنازعہ خبر کے معاملہ کو 15 دن گزر گئے لین کوئی گرفتاری نہیں کی گئی جو حیران کن ہے۔ اس معاملہ میں تاخیر سے فوج میں بے چینی پھیل رہی ہے۔ فوج نے دہشتگردوں کیخلاف اور ملک دشمنوں کے خلاف لڑائی لڑنا ہوتی ہے اس کا زہن مکمل طور پر کلیئر ہونا ضروری ہے کہ حکومت اس کے ساتھ کھڑی ہے بصورت دیگر مورال گر جاتا ہے۔ حکومت کا غیرسنجیدہ رویہ سمجھ سے باہر ہے۔