سنٹرل کنٹریکٹ کے لیے 25کر کٹرز کے نام فائنل

لاہور(آئی این پی)پاکستان کرکٹ بورڈ(پی سی بی) نے سینٹرل کنٹریکٹ کیلئے 25کھلاڑیوں کے نام فائنل کر لیے ہیں۔ عماد وسیم اور رمان رئیس کی سنٹرل کنٹریکٹ میں شمولیت فٹنس سے مشروط جبکہ احمد شہزاد ، شان مسعود اور سہیل خان کو لسٹ سے آﺅٹ کرنےکاامکان ہے۔پاکستان کرکٹ بورڈ نے سنٹرل کنٹریکٹ کیلئے کھلاڑیوں کے نام فائنل کرلیے ہیں۔ ذرائع کے مطابق پی سی بی نے سینٹرل کنٹریکٹ میں کھلاڑیوں نے تعداد کم کرنے کا بھی فیصلہ کیاہے۔آئندہ سال 25 قومی کھلاڑیوں کوکنٹریکٹ کیاجائےگا۔جبکہ عماد وسیم اور رمان رئیس کی سنٹرل کنٹریکٹ میں شمولیت فٹنس سے مشروط کی گئی ہے۔ ذرائع کا کہنا ہے کہ محمد رضوان، محمد اصغر،حسان خان، عمر امین، میر حمزہ، بلال آصف، عامر یامین، احمد شہزاد ، آصف ذاکر ،،سمیع اسلم، شان مسعود اور سہیل خان سے سنٹرل کنٹریکٹ واپس لینے کا فیصلہ کیا گیا ہے۔آل راﺅنڈر محمد حفیظ کٹیگری بی سے سی تنزلی اور بابر اعظم کو بی سے اے کیٹیگری میں ترقی مل گئی ہے۔ آصف علی اور حسین طلعت کو پہلی بار سینٹرل کنٹریکٹ دیا جارہا ہے۔دوسری جانب پی سی بی نے سنٹرل کنٹریکٹ یافتہ کھلاڑیوں کی آمدن بھی ڈبل کردی ہے۔ اے کیٹیگری کو پانچ لاکھ کے بجائے دس لاکھ روپے ملیں گے۔ بی کیٹیگری کے کھلاڑیوں کو سات لاکھ، سی کیٹیگری والوں کو پانچ لاکھ اور ڈی کیٹیگری کے کھلاڑیوں کو ماہانہ تنخواہ ایک لاکھ کے بجائے اب تین لاکھ روپے دے جائےگی۔سنٹرل کنٹریکٹ کا اطلاق یکم جولائی دو ہزا اٹھارہ سے یکم جولائی دو ہزار انیس تک ہوگا۔