لاہور (مانیٹرنگ ڈیسک) کالم نگار طارق ممتاز نے کہا ہے کہ عمران خان نے پہلے دن کہا تھا کہ احتساب کیلئے سب سے پہلے خود کو پیش کروں گا۔ چینل ۵ کے پروگرام کالم نگار میں گفتگو کرتے ہوئے انہوں نے کہا کہ عمران خان نیب کے سامنے پیش ہوئے اور تو اعتراض نہیں اٹھایا عمران خان نے کہ دیا تھا کہ انہوں نے ہیلی کاپٹر کا کرایہ ادا کردیا ہے انہوں نے کہا کہ دباﺅ کے بارے بھی لوگ جرم کرنے پر مجبور ہوتے ہیں بہر حال مجرم کو سزا ملنی چاہیے جب تک قانون کی بالادستی نہیں ہوگی ملک ترقی نہیں کرے گا۔ کالم نگار میاں سیف الرحمن نے کہا ہے کہ اب ہر سطح پر احتساب ہورہا ہے انہوں نے کہا کہ عمران خان نیب کے سامنے پیش ہوئے ایک اچھی مثال قائم کی ہے انہوں نے کہا کہ بچوں کے اغوا قابل مذمت ہیں سمجھتا ہوں جرائم پیشہ لوگوں کے آپس میں رابطے ہوتے ہیں پولیس کو مکمل طور پر فعال ہونے کی ضرورت ہے انہوں نے کہا کہ الیکشن کمیشن کو صرف الیکشن کے وقت متحرک نہیں ہونا چاہیے سارا سال متحرک رہنا چاہیے۔ کالم نگار سردار حیات خان نے کہا کہ قانون کی بالادستی کا نعرہ عمران خان نے دیا ہے اب انہوں نے ہیلی کاپٹر کیس میں پیش ہوکر ثابت کردیا ہے کہ قانون کی بالادستی کے قائل ہیں انہوں نے اس سے قبل ایف آئی اے یا کسی ادارے کی جرات نہ تھی کہ وہ نوازشریف کو طلب کرسکیں جب تک جے آئی ٹی نہیں بنی نوازشریف پیش نہیں ہوئے بدقسمتی سے ملک میں ادارے کمزور ہوگئے ہیں جس کے باعث جرائم پیشہ افراد اپنی من مانیاں کرتے ہیں بحران سے نمٹنا ہی کامیابی ہے۔ کالم نگار آغا باقر نے کہا کہ نوازشریف اور ان کی صاحبزادی بھی پیش ہوئے انہوں نے بھی قانون کی بالادستی قائم کی ایک سوال پر انہوں نے کہا کہ بچوں کے اغوا پر صرف نوٹس کا نہیں ایکشن لینا ضروری ہے کیوں کہ اس قسم کے جرائم کے مرتکب افراد کو ہر حال میں سزا ملنی چاہیے تاکہ جرائم کا سدباب ہوسکے۔
