پی ٹی آئی کا یوم تشکر…. عمران خان جلسہ گاہ پہنچ گئے

اسلام آباد(ویب ڈیسک)اسلام آباد ایکسپریس وے کے پریڈ گراو¿نڈ میں تحریک انصاف کے یوم تشکر کے جلسے کی تیاریاں مکمل ہوچکی ہیں جب کہ چیرمین پی ٹی آئی عمران خان بھی جلسہ گاہ میں پہنچ گئے ہیں۔ عمران خان وزیراعلیٰ خیبرپختونخوا پرویز خٹک کے قافلے کے ہمراہ جلسہ گاہ پہنچے جہاں کارکنان کی بڑی تعداد نے ان کا نعرے بازی کرکے استقبال کیا۔ تحریک انصاف کےدیگر رہنما شاہ محمود قریشی، جہانگیر ترین، شفقت محمود اور عارف علوی سمیت دیگر رہنما بھی جلسہ گاہ پہنچ چکے ہیں۔ اس کے علاوہ عوامی مسلم لیگ کے سربراہ شیخ رشید بھی اسٹیج پر موجود ہیں۔تحریک انصاف کے جلسے میں شرکا کے لیے 3 ہزار کرسیاں لگائی گئی ہیں، قیادت کے لیے کنٹینر پر مشتمل 20 فٹ اونچا اور 30 فٹ چوڑا اسٹیج بنایا گیا ہے جب کہ کارکنان کا لہو گرمانے کے لیے ساو¿نڈ سسٹم بھی نصب کیا گیا ہے جس میں پارٹی ترانے اور ملی نغمی بجائے جارہے ہیں۔جلسے میں خواتین کے لیے الگ انکلوڑر بنایا گیا ہے جہاں داخلے کے لیے راستہ بھی الگ رکھا گیا ہے تاہم جلسہ گاہ میں بعض مرد کارکنان نے خواتین کے انکلوڑر میں گھسنے کی کوشش کی جس پر تحریک انصاف کے اے ٹی ایف کے اہلکاروں نے انہیں روکنے کی کوشش کی اور اس دوران بدنظمی بھی دیکھنے میں آئی۔تحریک انصاف کے بعض کارکنان اسٹیج پر چڑھ گئے جس کے باعث اسٹیج پر بھی کارکنان میں دھکم پیل ہوئی جس سے بدنظمی پھیل گئی جب کہ انصاف ٹائیگر فورس کے اہلکاروں نے کارکنان کو اسٹیج سے نیچے اتار دیا۔دوسری جانب تحریک انصاف کے جلسے کی سیکیورٹی کے لیے 10 ہزار پولیس اور ایف سی کے اہلکار تعینات کیے گئے ہیں جب کہ وزیر داخلہ چوہدری نثار خود جلسے کی مانیٹرنگ کررہے ہیں۔