10لاکھ کا دعویٰ مگر 10ہزار بھی نہ آئے, اپوزیشن لیڈر کے بیان سے پی ٹی آئی قیادت میں کھلبلی

کراچی (مانیٹرنگ ڈیسک) قائد حزب اختلاف خورشید شاہ نے کہاہے کہ پاکستان تحریک انصاف کا آج کا جلسہ دیکھ کر دکھ ہوا، دس لاکھ کا دعوی کیا تھا لیکن 10ہزار لوگ بھی نہیں آئے۔ تفصیلات کے مطابق خورشید شاہ کا کہناتھا کہ عمران خان کی طرح دھرنے نہیں کرتے، پارلیمنٹ پر یقین رکھتے ہیں، ہم نے ٹی او آر پارلیمنٹ میں جمع کرائے ہیں۔ ان کا کہناتھا کہ عمران کی اپیل کو ملک کے اہم اداروں نے خاموش رہ کر مسترد کردیا، عمران خان بولر ہیں، انھوں نے امپائر کی طرف پرزور اپیل کی۔ انہوں نے کہا کہ آج پی ٹی آئی کا جلسہ دیکھ کردکھ ہوا، دس لاکھ کا دعوی کیا تھا اور10 ہزار لوگ بھی نہیں آئے۔