لاہور(مانیٹرنگ ڈیسک)سابق فرسٹ کلاس کرکٹر طاہر شاہ نے کہا ہے کہ بھارت کیخلاف مقابلہ اصل میں اعصاب کی جنگ ہے۔قومی ٹیم کواضافی سپنرکیساتھ میدان میں جاناچاہیے،قومی ٹیم اس وقت بہترپرفارمنس دکھا رہی ہے۔کوہلی کے نہ ہونے پرقومی ٹیم کوایڈوانٹیج ہوگا۔چینل فائیو کے پروگرام گگلی میں گفتگو کرتے ہوئے انہوں نے کہا کہ افغانستان کے سری لنکاکیخلاف جیتنے کی وجہ یہ ہے کہ اس کے سپن باﺅلرز بہترین ہیں۔ افغانستان کے کھلاڑی دل سے کھیلتے ہیں اس لئے ٹکرا جاتے ہیں افغان ٹیم پاکستان،بنگلہ دیش اور بھارت کو ٹف ٹائم دے گی۔ سپورٹس جرنلسٹ منور حسین نے کہا ہے کہ آج کامقابلہ کانٹے دارہوگا۔فاسٹ باﺅلرزکو خوب جان مارناپڑے گی۔سپنرزکاکردارانتہائی اہمیت کاحامل ہے۔ایونٹ میں سری لنکا کی ٹیم بہت پیچھے چلی گئی ہے ۔سنگا کارا کے بعد کوئی بھی کھلاڑی ان کی جگہ نہیں لے سکا۔پھر جے وردنے بھی ٹیم میں نہیں ہیں جس کے باعث سری لنکن ٹیم کا مورال بلند نہیں رہا سلیکشن بھی ٹھیک نہیں ہو رہی۔سری لنکا کی ٹیم جب تک اس شکست کو محسوس نہیں کرے گی بہتری نہیں لا سکے گی۔ایشین کرکٹ کونسل کو بھی سری لنکا کی مدد کرنی چاہئے۔
انڈیا کیخلاف ٹیم کواضافی سپنرکھلاناچاہیے،طاہرشاہ فاسٹ باﺅلرکوخوب جان لڑاناہوگی،سپنرزکاکردارانتہائی اہم،منورحسین کی گگلی میں گفتگو
