سرفراز میرا فین تھا،اب میں اسکا فین ہوں،معین خان

کراچی(آئی این پی) پاکستان کرکٹ ٹیم کے سابق کپتان اور وکٹ کیپر معین خان نے کہا ہے کہ پہلے سرفراز میرا فین تھا ، اب میں اس کا فین ہوں۔اپنے ایک بیان میں سابق قومی کرکٹر کا کہنا تھا کہ سرفراز کو ورلڈکپ تک قیادت کی ذمےداری سونپ دی جائے۔انہوں نے اس امیدکا اظہار کیا کہ ان کی قیادت میں پاکستان ایونٹ کے فائنل تک رسائی حاصل کرے ۔انہوں نے مزید کہا کہ خواہش ہے کہ ٹیم ایشیاکپ جیتے اور سرفراز احمد فائنل میں اچھی اننگزکھیلیں۔معین خان نے بتایا کہ پاکستان کرکٹ ٹیم ون ڈے میں اچھا کھیل رہی ہے تاہم ٹیم کانائب کپتان کسی نوجوان کھلاڑی کوبنایاجائے۔