بھارتی جنگی جنون ….وزیر اعظم نواز شریف کے بیان نے بھارت کی آنکھیں کھول دیں

اسلام آباد (نیوز ڈیسک) وزیراعظم میاں محمد نوازشریف نے کہا ہے کہ بھارتی افواج کی جانب سے لائن آف کنٹرول پر جان بوجھ کر حالات کو خراب کرنا خطے کے امن اور سکیورٹی کے لئے خطرہ ہے۔ پاکستان بھارتی جارحیت کا ہر طرح سے دفاع کرنے کی صلاحیت رکھتا ہے۔ پاکستان بھارتی جارحیت پر زیادہ سے زیادہ تحمل کا مظاہرہ کر رہا ہے جسے ہماری کمزوری نہ سمجھا جائے۔ پاکستان کو ایسے اقدامات سے دھمکایا نہیں جا سکتا۔ پاکستان کسی بھی جارحیت سے نمٹنے کی صلاحیت رکھتا ہے۔ پاکستانی فوج کبھی بھی فائرنگ کرنے میں پہل نہیں کرتی۔ تاہم وہ کسی بھی جارحیت کا منہ توڑ جواب دے گی۔ پاکستان نومنتخب امریکی حکومت کے ساتھ خطہ اور پوری دنیا میں امن، سکیورٹی اور خوشحالی کے خواب کو شرمندہ تعبیر کرنے کے لئے مل کر کام کرنے کے لئے تیار ہے۔ وزیراعظم میاں محمد نوازشریف کی زیرصدارت لائن آف کنٹرول کی صورتحال پر اجلاس ہوا۔ اجلاس میں مشیر خارجہ سرتاج عزیز اور مشیر برائے قومی سلامتی ناصر خان جنجوعہ نے بھی شرکت کی جبکہ معاون خصوصی سید طارق فاطمی اور دیگر اعلیٰ حکام نے بھی اجلاس میں شرکت کی۔ سرتاج عزیز نے ایل او سی پر بھارت کی بلااشتعال فائرنگ اور جنگ بندی کی خلاف ورزیوں پر بریفنگ دی۔ سرتاج عزیز کا کہناتھا کہ بھارت کی جانب حالیہ سیزفائر معاہدے کی خلاف ورزی کے نتیجے میں 26 پاکستانی عام شہری شہید اور 107 سے زیادہ زخمی ہوئے۔ اس پر وزیراعظم کاکہنا تھا کہ پاکستان بھارتی جارحیت کا ہر طرح سے دفاع کرنے کی مکمل صلاحیت رکھتا ہے لیکن پاکستان اب تک صبر و تحمل سے کام لے رہا ہے لیکن اسے پاکستان کی کمزوری ہرگز نہ سمجھا جائے۔ ان کا کہنا تھا کہ بھارت جو ایل او سی پر کشیدگی بڑھا رہا ہے اس کے ذریعے وہ نہ صرف خطہ کے امن اور سکیورٹی کو دا¶ پر لگا رہا ہے بلکہ اس کی بھرپور کوشش ہے کہ وہ اس طرح کے ناکام حربوں سے مقبوضہ کشمیر میں ڈھائے جانے والے مظالم اور بربریت سے توجہ ہٹانا چاہتا ہے لیکن اس کی یہ کوششیں کسی صورت میں بھی کامیاب نہیں ہوں گی۔ وزیراعظم نے اس حوالے سے پاکستان کی آئندہ کی حکمت عملی کے حوالے سے ہدایات بھی جاری کی ہیں اور اس حوالے سے مشاورت بھی کی گئی ہے۔ وزیراعظم کا کہنا تھا کہ پاکستان پرامن ملک ہے اور وہ کسی کے خلاف بھی جارحانہ عزائم نہیں رکھتا۔ تاہم پاکستان اپنے دفاع کے لئے پوری طرح تیار ہے اور پاک فوج اس سلسلہ میں مکمل طور پر تیار ہے اور پاکستان کسی بھی جارحیت کا منہ توڑ جواب دینے کی بھرپور صلاحیت رکھتا ہے۔ ان کا کہناتھا کہ پاکستان بھارتی جارحیت پر زیادہ سے زیادہ تحمل کا مظاہرہ کر رہا ہے جسے ہماری کمزوری نہ سمجھا جائے۔ ان کا کہنا تھا کہ پاکستان کو ایسے اقدامات سے دھمکایا نہیں جا سکتا کیونکہ پاکستان کسی بھی جارحیت سے نمٹنے کی صلاحیت رکھتا ہے۔ وزیراعظم نے شہداءکے لواحقین سے اظہار تعزیت بھی کیا۔ وزیراعظم نے اقوام متحدہ سے ایل او سی پر سیزفائر معاہدے کی خلاف ورزیوں اور دونوں ملکوں کے درمیان پیدا ہونے والے تنا¶ کا نوٹس لینے کا بھی مطالبہ کیا۔ ان کا کہنا تھا کہ ہماری افواج کی جانب سے فائرنگ میں پہل نہیں کی جاتی تاہم وہ کسی بھی جارحیت کا منہ توڑ جواب دیں گی۔ وزیراعظم کو حال ہی میں امریکہ میں منعقد ہونے والے صدارتی انتخابات کے تناظر میں پاک امریکہ تعلقات پر بریفنگ بھی دی گئی۔ وزیراعظم نے امریکہ کے ساتھ دوطرفہ تعلقات کو مزید مضبوط بنانے کا عزم کرتے ہوئے کہا کہ دونوں ملکوں کے درمیان گذشتہ 70 سال سے مضبوط اور اسٹریٹجک شراکت داری پر مبنی تعلقات قائم ہیں۔ ان کا کہنا تھا کہ پاکستان نومنتخب امریکی حکومت کے ساتھ خطہ اور پوری دنیا میں امن، سکیورٹی اور خوشحالی کے خواب کو شرمندہ تعبیر بنانے کے لئے مل کر کام کرنے کے لئے تیار ہے۔