ریاض(صباح نیوز‘ این این آئی) وزیراعظم عمران خان کی افغان صدر اشرف غنی سے ملاقات ہوئی ہے جس میں پاک افغان تعلقات پر بات چیت ہوئی۔ذرائع کے مطابق ملاقات میں افغان امن عمل سمیت خطے کی مجموعی صورتحال پر بھی تبادلہ خیال ہوا۔ملاقات کے دوران عمران خان کا کہنا تھا کہ پاکستان افغانستان میں پائیدار امن چاہتا ہے، افغانستان میں امن سے خطے کا امن جڑا ہوا ہے۔انہوں نے کہا کہ پاکستان اپنے ہمسائیہ ملک میں امن کے لیے اپنا کردار ادا کرتا رہے گا۔وزیراعظم عمران خان کی مصر کے صدرعبدالفتح السیسی سے بھی ملاقات ہوئی جس میں امت مسلمہ کو درپیش مسائل پر تفصیل غور کیا گیا، دونوں رہنماں نے مختلف شعبوں میں جامع تعاون بڑھانے پر اتفاق کیا۔وزیراعظم کی ملاقاتیں سعودی عرب میں اسلامی تعاون تنظیم کے اجلاس میں ہوئی جہاں مختلف مسلمان ممالک کے سربراہان شرکت کر رہے ہیں۔ وزیر اعظم عمران خان نے مصر کے صدر عبد الفتح السیسی اور افغان صدر اشرف غنی سے الگ الگ ملاقات کی جس میں دوطرفہ تعلقات سمیت مختلف امورپر تبادلہ خیال کیا گیا۔ وزیراعظم آفس کے میڈیا ونگ کی جانب سے جاری بیان کے مطابق وزیراعظم عمران خان نے 14 ویں اسلامی سربراہ کانفرنس کے موقع پر جمعہ کو یہاں مصر کے صدر عبدالفتح علی السیسی سے ملاقات کی۔ دونوں رہنما?ں نے وسیع تر دوطرفہ، علاقائی اور بین الاقوامی امور کے بارے میں تبادلہ خیال کیا۔ مسلم امہ کو درپیش مسائل پر بھی بات چیت ہوئی۔ دونوں رہنما?ں نے تمام شعبہ جات میں جامع تعاون کے فروغ اور دوطرفہ سیاسی رابطوں اور تبادلوں میں اضافے پر بھی اتفاق کیا۔وزیراعظم عمران خان اور افغان صدر اشرف غنی نے جمعہ کو یہاں 14 ویں اسلامی سربراہ کانفرنس کے موقع پر ملاقات کی۔ وزیراعظم آفس کے میڈیا ونگ کی جانب سے بیان کے مطابق ملاقات کے دوران پاک افغان دوطرفہ تعلقات اور خطے کی صورتحال پر تبادلہ خیال کیا گیا۔مکہ مکرمہ (مانیٹرنگ ڈیسک) وزیراعظم عمران خان نے اپنی اہلیہ بشریٰ بی بی اور وفاقی وزرائ کے ہمراہ عمرہ ادا کیا اور پاکستان کی ترقی و خوشحالی کے لئے خصوصی د±عائیں کیں۔ تفصیلات کے مطابق وزیراعظم عمران خان نے اپنی اہلیہ بشریٰ بی بی اور وفد کے ہمراہ عمرہ ادا کیا۔ اس سے قبل عمران خان نے روضہ رسول پر حاضری دی اور ریاض الجنہ میں نوافل ادا کئے۔ وزیراعظم پاکستان کے ہمراہ وزیراعلیٰ پنجاب سردار عثمان بزدار اور وزیراعلیٰ خیبر پختونخواہ محمود خان نے بھی عمرہ ادا کیا۔
