لاہور: (ویب ڈیسک) آسٹریلیا کے خلاف سیریز کے لیے قومی ٹی 20 اور ٹیسٹ ٹیم کا اعلان آج ہو گا، کینگروز کے دیس دونوں فارمیٹ کے نئے کپتانوں اظہر علی اور بابر اعظم کا پہلا امتحان ہو گا۔قذافی سٹیڈیم میں آج دوپہر سوا دو بجے ہیڈ کوچ اور چیف سلیکٹر مصباح الحق قومی ٹیسٹ اور ٹی 20 کی ٹیموں کا اعلان کریں گے، ٹی ٹونٹی کے نوجوان کپتان بابر اعظم کی ٹیم میں فلاپ احمد شہزاد اور عمر اکمل کی چھٹی جبکہ سینئر کھلاڑیوں شعیب ملک اور محمد حفیظ کی واپسی کا امکان ہے۔اظہر علی کو بھی سینئر اور جونیئر ٹیسٹ کھلاڑیوں کے اچھے کمبی نیشن کے ساتھ میدان میں اتارنے کا فیصلہ کر لیا گیا، پاکستان اور آسٹریلیا کے درمیان 3 ٹی 20 اور 2 ٹیسٹ میچز کی سیریز آئندہ ماہ تین تاریخ سے شروع ہو گی۔
