لاہور (جنرل رپورٹر) ای کامرس کی سائٹ ”دراز“ نے معاشرتی بے راہ روی پھیلانے کی تمام حدیں پار کر یں، جنسی ادویات کی فروخت دھڑلے سے جاری ، شہریوں کو ممنوعہ ادویات گھر کی دہلیز مہیا کرنے لگا، پنجاب حکومت ،ڈرگ ریگولیٹری اتھارٹی اور ڈرگ کنٹرول ونگ پنجاب ”دراز“ پر جنسی ادویات کی فروخت روکنے میں ناکام ہوگئے۔ شہریوں کی جانب سے وزیراعظم پورٹل پر شکایات کے انبار لگ گئے ، پنجاب بھر میں ڈرگ انسپکٹر کی ملی بھگت کے باعث مکروہ دھندا تیزی سے پھیلنے لگا ، جنسی ادویات کی غیرقانونی تشہیر ڈرگ ایکٹ 1976 ڈریپ ایکٹ 2012 کے سیکشن 27 اور23کی کھلم کھلا خلاف ورزی ہے،شہریوں کی صحت داو¿ پر لگ گئی ،عوام کے پیسوں کو دونوں ہاتھو ں سے لوٹا جا نے لگا۔ ذرائع نے بتایا ہے کہ آن لائن ویب سائٹ ”دراز“ پر تمام ادویات غیرملکی اور پاکستان میں غیر رجسٹرڈ ہیں ۔ پاکستان میں غیر ملکی غیر مستند جنسی ادویات غیر قانونی کاروبار بڑھتا جارہا ہے۔آن لائن ویب سائٹ ”دراز“ جنسی ادویات کی کھلے فروخت سے معاشرے میں بے راہ روی بڑھتی جارہی ہے ۔قانون کی عملداری نہ ہونے اور ڈرگ کنٹرول ونگ اور ڈریپ میں موجود کرپٹ مافیا کی وجہ سے پاکستان میں جنسی تسکین کی ادویات کی بھرمار ہو گئی ہے۔ ڈرگ لائرز فورم کے صدر سینئر ایڈوکیٹ نور مہر کا چینل فائیو سے گفتگو کرتے ہوئے کہنا ہے کہ جنسی ادویات کسی صورت میں بھی سوشل میڈیا اور عام مارکیٹ میں فروخت نہیں کی جاسکتیں ڈرگ ریگولیٹری اتھارٹی کی کوتاہی کے باعث جنسی ادویات سرعام فروخت کی جا رہی ہیں ۔ ڈرگ ایکٹ1986 کے لیبلنگ رولز کی پاسداری ہونی چاہیے۔ پنجاب حکومت اس پر ایکشن لے اور مکروہ دھندہ کرنے والوں کے خلاف کریک ڈاو¿ن کرے۔ غیرملکی اور معمولی ادویات ہزار وں روپے کے عوض فروخت کی جارہی ہیں جو کہ بلڈ پریشر کے مریضوں کے لیے موت کا سبب بن رہی ہیں خاص طور پر حساس سکن کے لوگوں کے لئے بھی خطرناک ہیں ۔ آن لائن شاپنگ ویب سائٹ پر غیرقانونی اور غیر رجسٹرڈ ادویات کی تشہیر اور خرید وفروخت کے حوالے سے چیف ڈرگز کنٹرولر پنجاب ڈاکٹر محمد منور حیات کا کہنا تھا کہ مکروہ دھندے میں ملوث ”دراز “ کمپنی کو غیرقانونی اورغیررجسٹرڈ ادویات کی تشہیر اور خرید وفروخت کرنے پر باقاعدہ نوٹس بھجوایا گیا تھا جس پر کمپنی نے تحریری طور پر جواب جمع کروایا کہ کمپنی نے اپنی ویب سائٹ سے ان غیرقانونی اور غیر رجسٹرڈ ادویات کے لنکس ہٹا دیئے ہیں اور کمپنی کسی بھی غیرقانونی یا غیررجسٹرڈ پراڈکٹ کو اپنی ویب سائٹ پر تشہیر یا خریدوفروخت کی مجاز نہیں ہے مگر حیرت انگیز طور پر آن لائن ویب سائٹ ”دراز ‘ ‘ پر جنسی ادویات کی فروخت تاحال جارہی ہے۔
